Marathi: Vinda Karandikar

चुकली दिशा तरीही हुकले न श्रेय सारे;
वेड्या मुशाफिराला सामील सर्व तारे.
मी चाललो असंड चालायचे म्हणून;
धुंदीत या गतीच्या सारेच पंथ प्यारे.
डरतात वाद्काना जे दास त्या धुवाचे;
हे शीड तोडले की अनुकूल सर्व वारे!
मग्रूर प्रार्थनाचां मी फाडला नकाशा;
विझले तिथेच सारे ते मागचे इशारे.
चुकली दिशा तरीही आकाश एक आहे,
हें जाणतो तयाला वाढेल तेथ न्यारे.
आशा तशी निराशा, हें श्रेय सावधांचे;
बेसावधास कैसे डसणार हें निखारे.